مـا كـل ضحكـه تهـزّ القلـب يشبعهـا ،،

زائر

مـا كـل ضحكـه تهـزّ القلـب يشبعهـا ،،،
ومـا كـل دمعـه تمـرّ العـيـن تبكيـهـا ،،،
من شاف ضحكة زمانـي قـال : " بايعهـا " ،،،
ما يـدري إنـي فقيـرٍ مـا أقـدر أشريهـا ،،،
يـا اللـي نثرتـي سنيـنٍ كنـت أجمّعهـا ،،،
تكفيـن هـذي حـصـاد العـمـر لمّيـهـا ،،،
كـم كنـت أهـدّد بـك الدنيـا والوّعـهـا ،،،
كـل مـا أذكرتني وأذكّـرهـا وأنسّيـهـا ،،،
بيدينـك اللـي أحـس وكــن أصابعـهـا ،،،
تقول : " بـدري علـى الضيقـه وطاريهـا " ،،،
بعيونـك اللـي أناديـهـا وأنــا معـهـا ،،،
اللّـه يـاكـم زعلـتـي يــوم أناديـهـا ،،،
كنتـي تحسبينـي أسـرح عـن مدامعـهـا ،،،
وأنـا مـا غيـر أتهجّـى رحلتـي فيـهـا ،،،
أي واللّـه أذكـر عيونـك يـوم أطالعـهـا ،،،
أقــراء بـهـا إنـشـودةٍ كـنّـا نغنيـهـا ،،،
كانـت تـروح وتهـجّ الـبـال وأتبعـهـا ،،،
تاخـذ عيونـي مـن الـحـزن وتودّيـهـا ،،،
لأيـام كنـت أرمـي بدنيـاي وأجدعـهـا ،،،
أيـام مـا كنـت أكحّلهـا ولا أعميـهـا ،،،
طفـلٍ سلاحـه دموعـه يـوم يزرعـهـا ،،،
مـن فـوق خـدّه وكـفّ أبـوه يرضيهـا ،،،
أكبـر همومـه مــن دروسٍ يراجعـهـا ،،،
وأقصـى طموحـه متـى ينجـح ويرميهـا ،،،
طفـلٍ وكـل أمنيـاتـه كــان مطمعـهـا ،،،
يكبـر وتكبـر هنـوفٍ كــان يرجيـهـا ،،،
كبَرْت ولا كبْرَت وضعت وخفت أضيّعها ،،،
خلّيـت همّـي رضاهـا يــوم أداريـهـا ،،،
كـل مـا طعنّـي زمانـي رحـت أدلّعهـا ،،،
يوم الزمـن مـا تـرك لـي غيـر أياديهـا ،،،
ما كنت أفكّـر تجـي فـي يـوم وأسمعهـا ،،،
تقلـب حياتـي مـن أعـلاهـا لواطيـهـا ،،،
حتـى أقبلـت تبكـي الدمعـه وتردعـهـا ،،،
ثـم قالت وكـن موتـي بيـن أشافيـهـا ،،،
" جيتـك أحلّـف عيونـك قـبـل أودّعـهـا ،،،
مـا أشـوف دمعـة عتبهـا ليـن أخلّيهـا " ،،،
تبغـى تروووح وتخليـنـي وأطاوعـهـا ،،،
تبغاني أسكـت وأقـول : " اللّـه يهْديهـا !! " ،،،
يــا أول أحــلام روحٍ كــان دافعـهـا ،،،
إنـك سنـدهـا وحاضـرهـا وماضيـهـا ،،،
يا سنينـي اللـي قضيـت العمـر أجمّعهـا ،،،
يـا ذكريـاتـي مــن أولـهـا لتاليـهـا ،،،
لا تتركيـنـي أعـيـش العـمـر بايعـهـا ،،،
ضحكة زماني بدووونـك مـا أقـدر أشريهـا ،،

يسلموووو ع الموضوع خيووو

المساهمات : 10 تاريخ التسجيل : 13/09/2010

يسلمو على الموضوع يعطيك العافيه
احلى موضووووووع

المساهمات : 10 تاريخ التسجيل : 13/09/2010

بصراحه صح لسانك ماكل ضحكه تهز القلب يشبعها

المساهمات : 4 تاريخ التسجيل : 14/02/2011

يسلمووووووو ع هيك مشاركه

المساهمات : 1 تاريخ التسجيل : 01/09/2011

يعطيك العافيه [center]